06.10.2007
Eid ungdomskule har starta på det andre skuleåret med  fysisk aktivitet i skuletida. Skulen har organisert 45 minutt med fysisk  aktivitet kvar tysdag og torsdag. Dette er ein aktivitet som alle elevar skal  vere med på. Elevane får velje kva dei vil vere med på av desse aktivitetane:

  Leikar  og spel på skuleplassen.
   Fotball på kunstgrasbana
    Aktivitetar i idrettshallen
     Golf  på Nordfjord golfklubb.
      Symjing
       Gå tur  i området nord for skulen.
        Dans  på skulen – organisert av elevar.

Nytt av året er at elevane må velje aktivitet og at  aktivitetane er meir organisert frå skulen si side. Målet er at alle elevane  skal vere fysisk aktive denne tida.



Nytt av året er at skulen tilbyr golf som ein aktivitet.  Nordfjord Golfklubb har vore svært positive til å leggje til rette for at  elevane skal få prøve denne idretten.



Kvar tysdag og torsdag har 15 til 20  elevar fått prøve golf på driving rangen til Nordfjord golfklubb. Klubben har stilt utstyr til fri disposisjon denne tida.





Dette tilbodet har blitt svært godt motteke av elevane som har kosa seg med golf.